रविमाथि सरकारले अमानविय र प्रतिशोधपूर्ण व्यवहार देखायो : प्रचण्ड

काठमाडौं – नेकपा माओवादी केन्द्रका अध्यक्ष पुष्पकमल दाहाल प्रचण्डले पूर्वगृहमन्त्री एवम् राष्ट्रिय स्वतन्त्र पार्टी (रास्वपा) का सभापति रवि लामिछाने माथि सरकारले प्रतिशोधपूर्ण व्यवहार गरेको बताएका छन् ।

सभापति लामिछानेलाई सहकारी ठगी आरोपमा पक्राउ गरी अनुसन्धानको नाममा सरकारले निरङ्कुश, अलोकतान्त्रिक, अमानवीय र प्रतिशोधपुर्ण व्यावहार गरेको अध्यक्ष प्रचण्डको भनाइ छ । उनले सामाजिक सञ्जालमार्फत लामिछानेमाथि सरकारले गरिरहेको व्यवहारको निन्दा समेत गरेका छन्

सामाजिक सञ्जालमा उनले लेखेका छन्- ‘अदालतबाट दोषी ठहर नभएका, अत्याधिक जनमतद्वारा निर्वाचित रास्वपाका सभापति रवि लामिछानेमाथि सरकारले गरिरहेको निरङ्कुश, अलोकतान्त्रिक, अमानवीय र प्रतिशोधपूर्ण व्यवहारको निन्दा गर्दछु । त्यस प्रकारको व्यवहार रोक्न गम्भीर आग्रह पनि गर्दछु ।’

रास्वपा सभापति लामिछानेलाई विभिन्न सहकारीको रकम हिनामिना गरेको आरोपमा कार्तिक २ गते पक्राउ गरी जिल्ला प्रहरी कार्यालय कास्कीको हिरासतमा राखी अनुसन्धान गरिरहेको छ । उनलाई आज वयानका लागि विरगञ्जको पर्सा लगिएको छ ।