रवि लामिछानेलाई बयानका लागि आज पर्सा लैजाने

काठमाडौं – सहकारी संस्थाको रकम हिनामिना प्रकरणमा पक्राउ राष्ट्रिय स्वतन्त्र पार्टिका सभापति रवि लामिछनेलाई आज पर्सा लगिने भएको छ । सहकारीको रकम ठगी गरेको आरोपमा कार्तिक ३ गते पक्राउ परि कास्की हिरासतमा रहेका रविलाई आज (सोमबार) वयानका लागि पर्सा लैजाने तयारी गरेको हो ।

उनलाई यसअघि वयानका लागि काठमाडौं र चितवन लगिएको थियो । साथै सहकारी ठगीकै आरोपमा पक्राउ परेका गोर्खा मिडियाका पूर्व सञ्चालक छविलाल जोशी र रामबहादुर खनाललाई पोखराबाट पर्सा लगिएको छ ।

पर्साको सानोपाइला सहकारी संस्थाको रकम हिनामिना प्रकरणमा पनि पक्राउ पूर्जी जारी भएकाले उनीहरुलाई पर्सा लगिएको हो ।

उनलाई आइतबार बेलुका पोखराबाट गाडीको बाटो हुँदै आज बिहान पर्सा पुर्‍याइएको प्रहरी स्रोतले बतायो । आज जिल्ला सरकारी वकिलको कार्यालयमा उनको बयान लिइने छ । त्यसपछि पुनः पोखरा फर्काइने छ ।