प्रधानमन्त्री ओली गृहजिल्ला झापा जाँदै

काठमाडौं – प्रधानमन्त्री केपी शर्मा ओली आज बिहान गृहजिल्ला झापा जाँदैछन् । दमक बिजनेस कम्प्लेक्स उदघाटन लगायतका कार्यक्रममा सहभागी हुन उनी गृहजिल्ला जान लागेका हुन् ।

प्रधानमन्त्री ओली हवाईमार्गमार्फत् गृहजिल्ला जान लागेका हुन् । उनी आज आइतबार बिहान ११ बजे झापा पुग्ने कार्यातालिका रहेको जनाइएको छ । सुरुमा उनले मानव सेवा आश्रमको नयाँ भवनको उदघाटन र अर्को भवनको शिलान्यास गर्ने कार्यक्रम छ ।

त्यसपछि दिउँसो एक बजे १८ तले दमक बिजनेस कम्प्लेक्स उदघाटन गर्ने कार्यक्रम छ । आफ्नो निर्वाचन क्षेत्रमा राज्यको १ अर्ब ४५ करोड रुपैयाँ खर्च गरेर ‘भ्यूटावर’ बनाएको भन्दै प्रधानमन्त्री ओलीको आलोचनासमेत हुँदै आएको छ ।

उनी पर्सि मंलबार मात्र काठमाडौं फर्किने छन् ।