सरकारलाई दिएको समर्थन फिर्ता लिने पक्षमा छैनौं : जनमत

काठमाडौं – जनमत पार्टीले सरकारलाई दिएको समर्थन फिर्ता नगर्ने स्पष्ट पारेको छ । पछिल्लो समय सरकार र जनमत पार्टी बीच उत्पन्न विवादका कारण सरकारलाई दिएको समर्थन फिर्ता गर्ने चर्चा भएपनि जनमत सो पक्षमा नरहेको बताएका हुन् ।

जनमत पार्टीको सांसद गोमा लाभ सापकोटालाई सभामुख देवराज घिमिरेले नहटाउने निर्णय लिएका थिए । पार्टीका अध्यक्ष सीके राउतले कम्बोडियाको प्रधानमन्त्री सामडेक हुन मानेटलाई भेट्दा नेपाली प्रधानमन्त्री केपी शर्मा ओलीप्रति टिप्पणी गरेका थिए ।

सामाजिक सञ्जालमा उनले लेखेका थिए,‘ कम्बोडियाका प्रधानमन्त्री सामडेक हुन मानेट सँग भेटवार्ता । बरू, नेपालकै प्रधानमन्त्री भेट्न साह्रै गाह्रो ।’ सरकारको निर्देशन अनुसार सभामुखले आफ्नो सांसद नहटाएको प्रतिक्रिया र पार्टी अध्यक्षको प्रधानमन्त्रीप्रति कटाक्षले जनमले सरकारलाई दिएको समर्थन फिर्ताले आशंकाहरु व्यक्त भएका थिए

जनमतका पार्टी प्रवक्ता शरदसिंह यादवले सरकारलाई दिएको समर्थन फिर्ता नलिने जानकारी गराए ।