सुनको भाउ ९ सयले बढ्यो, तोलाको कतिमा हुँदैछ कारोबार ?

काठमाडौ‍‌ – नेपाली बजारमा पहेलो धातु सुनको भाउ आव बुधबार भने बढेको छ । सरकारले सुन आयातमा लाग्ने भन्सारमा छुट दिएपछि एकैदिन १५ हजार ९ सयले घटेको सुनको भाउ आज ९ सय रुपैयाँले बढेको हो ।

आज सुन प्रतितोला ९ सय रुपैयाँले बढेर १ लाख ४९ हजार ६ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।

मंगलबार छापावाल सुन प्रतितोला १ लाख ४८ हजार ७ सय रुपैयाँमा कारोबार भएको थियो।

यस्तै, आज चाँदीको मूल्य पनि बढेको छ। आज चाँदी प्रतितोला १० रुपैयाँले बढेर १ हजार ८ सय ३० रुपैयाँमा कारोबार भइरहेको महासंघले जनाएको छ।

हिजो प्रतितोला चाँदी १ हजार ८ सय २० रुपैयाँमा कारोबार भएको थियो।