गढीमाई मेला भब्य र सभ्य बनाउन मास्टरप्लान बनाइएको छ : नगरप्रमुख उपेन्द्र यादव

बारा  । विश्वप्रसिद्ध गढीमाई मेला मंसिर १ गतेदेखि  बारा जिल्लाको बरियारपुरमा सुरु भएको छ ।

पन्चबर्षीय गढीमाई मेला भब्य र सभ्य बनाउनको लागि अहिले मुल समिति र विभिन्न उपसमितिहरुले काम गरिरहेका छन् । गढीमाई मेलालाई भब्य र सभ्य बनाउनको लागि गुरुयोजना(मास्टरप्लान) बनाइएको महागढीमाई नगरपालिकाको नगरप्रमुख एवं गढीमाई मेला मूल समितिका अध्यक्ष उपेन्द्र प्रसाद यादवले बताए ।

नगरप्रमुख यादवले अनुगमन उपसमितिले अनुगमन गरेपछि मात्र मनोरञ्जन, खुद्रापसल कहाँ राख्ने र त्यसअनुसार नै त्यस्ता सवारी साधन र पसलहरुलाई ब्यवस्थापन गरिने बताए । अहिले गढीमाई मेलामा दर्शनार्थीहरुको भीड दैनिक बढ्दो क्रममा रहेको  छ। दैनिक लाखौं दर्शनार्थीले मेलाको अवलोकन गरिरहेकोले मेलामा ब्यवस्थापनमा कुनै कसर बाँकी नरहने गरि समिति र उपसमितिले काम गरिरहेको बताए ।

विश्व प्रसिद्ध गढीमाई मेलामा जसले जुन प्रयोजनका लागि पसल राखेको छ, त्यसबाहेक अन्य सामाग्री बिक्री बितरण गर्न नपाउनेगरी अनुगमन उपसमितिले काम गरिरहेको अनुगमन उपसमितिका संयोजक दिपप्रकाश गुप्ताले बताए । पसल लगाउने बहानामा कसैले पैसा लिएमा अनुगमन उपसमिति कार्वाही गर्न त्यार रहेको समेत उनले बताए ।

विश्व प्रसिद्ध पन्चबर्षीय गढीमाई मेलामा स्वाथ्य क्षेत्रलाई मध्य नजर गर्दै नेपाल मिडिसिटी अस्पताल र फुलकुमारी महतो मेमोरियल अस्पतालल निस्शुल्क स्वास्थ्य शिविर संचालन गर्ने नेपाल मिडिसिटी अस्पतालका डाईरेक्टर बिजय रिमालले बताए । उनका अनुसार मेलामा  २४ औं घन्टा चिकित्सक, नर्स लगायतको टोलीले शिविरमा सेवा प्रदान गर्नेछ।