लीलाबल्लभमाथि मुद्दा नचलाउने निर्णयले हामीमाथि प्रतिशोध राखेको पुष्टि गर्‍यो : रास्वप

काठमाडौँ – राष्ट्रिय स्वतन्त्र पार्टीले कोशी प्रदेशका पूर्वसांसद लीलाबल्लभमाथि अधिकारी मुद्दा नचलाउने निर्णयले आफुहरुमाथि राजनीतिक प्रतिशोध राखेको पुष्टि भएको बताएको छ । पार्टी कार्यालयमा आयोजित पत्रकार सम्मेलनमा पार्टीका प्रवक्ता मनिष झाले रास्वपाका सभापति रवि लामिछानेलाई पक्राउ गरी प्रतिशोध साधेको बताए ।

उनले भने, ‘हामीमाथि राजनीतिक प्रतिशोध हो भन्ने कुरा हामीले अब प्रमाणित गर्नै नपर्ने भइसक्यो । त्यसको आधार हामीले दिइराख्नै पर्दैन । लीलाबल्लभ अधिकारीलाई कानूनी कारवाही नहुने, मुद्दा पनि दायर नहुने भन्ने कुराले प्रमाणित गरिसक्यो । तर, पनि हामी अदालतलाई सम्मान गर्छौँ ।’

उनले सभापति रवि लामिछानेले सहकारीको ब्याज नै तिर्नको लागि चेक काटेको भन्ने डकुमेन्ट संगठित रूपमा बाहिर ल्याएर प्रचार गरेको दाबी गरेका छन् ।