अध्यक्ष ओलीलाई गालीगलौज गरेको भन्दै एमालेका प्रदेश सांसद कारर्बाहीमा

काठमाडौं – नेकपा एमालेले पार्टी नेतृत्वविरुद्ध सामाजिक सञ्जालमार्फत गालीगलौज गरेको भन्दै एमालेका एक प्रदेश सांसदलाई कारबाही गरेको छ । बाँके १(ख) बाट निर्वाचित लुम्बिनी प्रदेशका सांसद दुर्गाप्रसाद चौधरीलाई एमालेले पार्टी सदस्यताबाट निलम्बन गरेको हो ।

उनीमाथि अध्यक्ष केपी शर्मा ओली र महासचिव शंकर पोखरेलको मानहानी हुने सामग्री सामाजिक सञ्जालमा पोष्ट गरेको आरोप लगाइएको छ । पार्टीको मूल्य मान्यताविपरीत सार्वजनिक रुपमा गालीगलौज गरेको, पार्टीविरुद्ध समाचार लेख्न लगाएकोजस्ता आरोप पनि लगाइएको छ । चौधरीलाई अनुशासनको कारबाही गरेको एमाले बाँकेका अध्यक्ष निरक गुरुङ्गले जनाएका छन् ।