प्रशिक्षक बर्खास्तपछिको खेलमा म्यानचेस्टर युनाइटेडको शानदार जित

काठमाडौँ । म्यानचेस्टर युनाइटेड कारबाओ कपको क्वाटरफाइनलमा पुगेको छ ।

गएराती सम्पन्न खेलमा म्यानचेस्टर युनाइटेडले लेस्टर सिटीलाई ५-२ गोल अन्तरले पराजित गर्दै कारबाओ कपको क्वाटरफाइनलमा पुगेको हो ।

म्यानचेस्टर युनाइटेडको जितमा क्यासेमिरो र ब्रुनो फेर्नानडेजले २-२ गोल गरेका थिए भने अलेजान्द्रो गर्नाचोले एक गोल गरेका थिए । त्यसैगरी लेस्टर सिटीका लागि बिलाल एल खाननोउस र कोनोर कोडीले एक एक गोल गरेका थिए ।

अब म्यानचेस्टर युनाइटेड कारबाओ कपको क्वाटरफाइनलमा टोटनह्यामसँग खेल्ने छ ।

म्यानचेस्टर युनाइटेडले प्रशिक्षक एरिक टेन ह्यागलाई बर्खास्त गरेपछि खेलेको पहिलो खेलमा शानदार जित हासिल गरेको छ । युनाइटेडको अन्तरिम प्रशिक्षकको जिम्मेवारी युनाइटेडका पुर्व खेलाडी रुड भान निस्टलरोयले निभाइरहेका छन् ।