पशुपति धर्मशालामा बालेनले राखे महानगरको बोर्ड, ओलीे सरकारले मारवाडीलाई साथ दिएपछि खाली हुन सकेन

काठमाडौं । पशुपति धर्मशालामा काठमाडौँ महानगरपालिकाले आफ्नो बोर्ड राखेको छ । मारवाडी सेवा समितिले राखेको बोर्ड हटाएर बुधबार महानगर प्रहरीको टोलीले आफ्नो बोर्ड राखेको हो ।

धर्मशाला महानगरले सञ्चालन गर्ने सम्झौतापछि बुधबार महानगर प्रहरी र वडा नम्बर ८ का अध्यक्ष आशमान संगतलगायतको टोली त्यहाँ पुगेको थियो ।

पशुपति क्षेत्र विकास कोषका कार्यकारी निर्देशक सुवास जोशीले महानगरपालिकालाई सम्बोधन गरी धर्मशाला सञ्चालनबारे पत्राचार गरेका थिए ।

सोही पत्राचारपछि महानगरपालिकाले मंगलबार नै माइकिङ गरेर खाली गर्नका लागि माइकिङ गरेको थियो । उनीहरू पुगेपछि मारवाडी सेवा समितका सदस्यहरूले अहिले नै महानगरपालिकाले आफ्नो बोर्ड राख्न नहुने बताएका थिए ।

महानगरले बोर्ड राखेपछि मारवाडी सेवा समितिका सदस्यले विरोध गरेपछि महानगर प्रहरीसँग झडप भएको थियो ।

महानगर प्रहरीले खाली गराउन खोज्दा प्रधानमन्त्री केपी ओली र गृहमन्त्री रमेश लेखकको निर्देशनमा नेपाल प्रहरीले  रोकेको थियो ।

मारवाडी सेवा समितिको पक्ष लिएर प्रहरीले घर खाली गराउनबाट रोकेपछि मेयर बालेन साहले सामाजिक संजालमा देश मारवाडी सेवा समितिले संचालन गरेको टिप्पणी गरेका छन् ।