गुरागाईंलाई महानगरको नयाँ प्रमुख प्रशासकीय अधिकृतको जिम्मेवारी, परियारको सरुवा

काठमाडौं । सरकारले काठमाडौं महानगरपालिकाका प्रमुख प्रशासकीय अधिकृतमा उद्योग,बाणिज्य तथा आपूर्ति मन्त्रालयमा कार्यरत सहसचिव सरोज गुरागाईलाई सरुवा गरेको छ । गुरागाई प्रशासन क्षेत्रमा विभिन्न जिललामा प्रमुख जिल्ला अधिकारीको रुपमा काम गरिसकेका अनुभवी प्रशासकका रुपमा चिनिन्छन् ।

त्यसैगरी काठमाडौं महानगरपालिकाका प्रमुख प्रशासकीय अधिकृत प्रदीप परियारलाई संचार तथा सूचना प्रविधि मन्त्रालयमा सरुवा गरिएको छ ।

सरकारले गरेका ४० जना सहसचिवको सरुवामा काठमाडौँ महानगरका प्रमुख प्रशासकीय अधिकृत परियारको पनि सरुवा भएको हो । गत भदौ २७ गते बसेको मन्त्रिपरिषद्को बैठकले विभिन्न मन्त्रालय र निकायमा कार्यरत सहसचिवहरुको सरुवा गर्ने निर्णय गरेको हो ।

काठमाडौं महानगरको प्रमुख प्रशासकीय अधिकृतको जिम्मेवारी सम्हालेको करिब आठ महिनामा नै परियारको सरुवा गरिएको छ । परियार गत माघमा महानगरमा आएका थिए ।