१९९ सदस्यीय केन्द्रीय समिति बनाउने माओवादीको निर्णय

काठमाडाैं। सत्तारुढ दल नेकपा (माओवादी केन्द्र)ले केन्द्रीय सदस्यको संख्या १९९ बनाउने निर्णय गरेको छ । काठमाडौंमा जारी विधान सम्मेलनले १९९ सदस्यीय केन्द्रीय समिति बनाउने निर्णय गरेको स्रोतले जानकारी दियो ।

पार्टी अध्यक्ष पुष्पकमल दाहाल प्रचण्डले पेश गरेको विधान मस्यौदमा केन्द्रीय समिति १५१ सदस्सीय बनाउन प्रस्ताव गरिएको थियो । तर, प्रतिनिधिहरूको सुझावपछि सदस्य संख्या थप्ने निर्णय भएको हो ।

पछिल्लो पटक २०८० साउन २१ गते विस्तार गरिएको केन्द्रीय समितिमा ४०९ जना सदस्य छन् । सदस्यहरूको चयन प्रत्यक्ष निर्वाचनमार्फत हुनेछ । केन्द्रीय समितिको एक–तिहाई पोलिटब्युरो राख्ने सहमति भएको छ ।

विधान अधिवेशन विहीबार समापन गर्ने तयारी छ ।