राष्ट्रियसभा उम्मेदवारबारे छलफल गर्न शेखर–गगन समूह जुट्यो छलफलमा

काठमाडौँ । नेपाली कांग्रेसका शेखर कोइराला–गगन थापा समूह आज आन्तरिक रणनीति बनाउन छलफलमा जुटेको छ । आज बिहान पार्टी सभापति शेरबहादुर देउवासँग छलफलपछि शेखर–गगन समूह आन्तरिक छलफलमाा जुटेको हो ।

उक्त छलफलमा नेता शेखर कोइराला, उपसभापति धनराज गुरुङ, महामन्त्री गगन थापा, सहमहामन्त्री द्वय बद्री पाण्डे र जीवन परियार, नेताहरू अर्जुननरसिंह केसी र बलबहादुर केसी सहभागी छन् ।

शेखर–गगन निकट एक नेताका अनुसार देउवासँग छलफलमा सङ्ख्या, मापदण्ड, योगदान लगायतका विषयमा कुराकानी भएको थियो ।

पार्टीले मापदण्ड सभापति देउवा नमान्ने सङ्केत देखाएपछि नेता कोइराला र महामन्त्री थापाले असन्तुष्टि जनाएका थिए । शेखर– गगनले पार्टी भित्रको भागबन्डामा सम्मानजनक हिस्सेदारी हुनुपर्ने अडान राखेका थिए । उनीहरूले आफ्नो समूहले १० सिट मध्ये ४ सिट पाउनुपर्ने माग गरेका थिए । सभापति देउवाले सभापति देउवा दुई सिट मात्र दिने प्रस्ताव उनीहरूले अस्वीकार गरेको बुझिएको छ ।