कोरोना विरुद्धको आशालाग्दो अर्को खोपको परीक्षण रोकियो, कारण यस्तो छ

काठमाडौं । कोरोना भाइरस विरुद्ध तयार भैरहेको अर्को खोपको परीणक्ष रोकिएको छ । प्रख्यात औषधि निर्माता कम्पनी जोन्सन एण्ड जोन्सनले निर्माण गरिरहेको खोप परीक्षण तत्कालका लागि स्थगित गरेको हो ।

परीक्षणमा सहभागी एकजना खोपको असरले बिरामी भएपछि तत्कालका लागि परीक्षण रोकिएको कम्पनीले जनाएको छ । सोमबार विज्ञप्तीमार्फत् कम्पनीले ती स्वयंसेवीमा समस्या आएको भन्दै सबै खाले औषधिय परीक्षण रोकिएको जनाएको हो ।

कम्पनीले करिब ६० हजार व्यक्तिलाई परीक्षणमा सहभागी गराउने बताएको थियो। सेप्टेम्बरको अन्तिम सातातिरबाट कम्पनीले तेस्रो चरणको परीक्षणका लागि सहभागी हुने व्यक्ति छनोट गरिरहेको थियो। अर्जेन्टिना, चिली, कोलम्बिया, मेक्सिको, पेरु, दक्षिण अफ्रिका, अमेरिकालगायतका मुलुकबाट परीक्षणमा सहभागी हुने व्यक्ति छनोट भैरहेको थियो ।