भूकम्प पीडितलाई सहयोग गर्ने अर्बपति व्यापारी शेष घलेको घोषणा

काठमाडौं। एमआइटी ग्रुप फाउन्डेसन संस्थापन अध्यक्ष तथा अर्बपति व्यापारी डा.शेष घलेले भूकम्प पीडितलाई सहयोग गर्ने घोषणा गरेका छन्। अस्ट्रेलियाकै धनीको सूचीमा रहेका गैरआवासीय नेपाली घलेले आज एक विज्ञप्ति जारी गर्दै एमआइटी ग्रुप फाउन्डेसनले प्रभावित क्षेत्रको स्थलगत अध्ययन गरी क्षतिको आँकलन गर्ने बताएका हुन् ।

अध्ययनपछि कस्ता अल्पकालीन तथा दीर्घकालीन उद्धार, राहत तथा सहयोग कार्य गर्दा बढी प्रभावकारी तथा दिगो हुन्छ सोहीअनुसार स्थानीयहरूका प्राथमिकताका आधारमा राहत तथा उद्धार कार्यमा संलग्न हुने जनाएका छन् ।

एमआईटी ग्रुप फाउन्डेसनले यस दुःखद घटनामा परि निधन भएका सम्पूर्ण प्रति भावपूर्ण श्रद्धाञ्जली अर्पण गर्दै घाइतेको शीघ्र स्वास्थ्य लाभको कामना गरेका छन् ।