काठमाडौं । नेपालमा थप ४ हजार ३ सय ६४ जनामा कोरोना भाइरसको संक्रमण पुष्टि भएको छ।
बिहीबार विभिन्न प्रयोगशालामा गरिएको परीक्षणमा देशभर थप ४ हजार ३ सय ६४ जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए।
योसँगै नेपालमा कोरोना संक्रमितको संख्या ९८ हजार ६ सय १७ पुगेको छ। संक्रमितमध्ये ७१ हजार ३ सय ४३ जना निको भएर घर फर्किएका छन्। यस्तै कोरोना संक्रमणबाट अहिलेसम्म ५ सय ९० जनाको मृत्यु भएको छ।
प्रवक्ता गौतमका अनुसार बिहीबार कोरोनालाई जितेर १ हजार १ सय २६ जना अस्पतालबाट डिस्चार्ज भएका छन्।
पछिल्लो २४ घण्टामा देशभरका प्रयोगशालाहरुमा १८ हजार ४ ;o ७३ जनाको पीसीआर परीक्षण गरिएको छ । आजसम्म ११ लाख ३१ हजार ९५८ जनाको पीसीआर परीक्षण गरिएको छ ।
देशभरका संस्थागत आइसोलेसन ११ हजार ७ सय १७ जना र होम आइसोलेसनमा १४ हजार ९ सय ६७ जना रहेका छन् । आजसम्म देशभर ४ हजार ४ सय ६० जना क्वारेन्टिनमा रहेका छन् ।
देशभर ४२ जनाको भेन्टिलेटरमा उपचार भइरहको छ । देशभर २ सय ६५ जना आईसीयूमा राखेर उपचार भैरहेको छ ।
