पेप्सीकोला–काँडाघारी बस दुर्घटना अपडेट: प्रहरीले ‘लेन क्रस’ गर्ने मोटरसाइकल चालक खोज्दै

काठमाडौं । आइतबार बिहान काठमाडौंको पेप्सीकोला–काँडाघारी सडकखण्डमा बा३ज ४८४८ नम्बरको बसले तीनवटा सवारीसाधनलाई ठक्कर दियो ।

गलत लेनबाट आएको एउटा मोटरसाइकल बचाउन खोज्दा सो दुर्घटना भएको थियो ।

दुर्घटनामा परेर सशस्त्र प्रहरी सिनामंगलमा कार्यरत २५ वर्षीया उषा कार्की र सर्लाहीका २१ वर्षीय राज भट्टराईले ज्यान गुमाएका थिए ।

सो दुर्घटनामा १४ जना घाइते भएका थिए । मोटरसाइकल जोगाउँदा बस नै सडकमा पल्टिएको थियो । बसले बा६च ५३४२ नम्बरको बलेरो गाडी, वाग्मती प्रदेश ०२–०३७ प ५३११ नम्बरको डिओ स्कुटर र वाग्मती प्रदेश ०२–०४१ प ४८३८ नम्बरको मोटरसाइकल किचेको थियो ।

उक्त दुर्घटनाको अनुसन्धान गरेको प्रहरीले गलत ठाउँबाट लेन क्रस गर्ने मोटरसाइकल चालकको खोजी गरेको छ ।