संखुवासभामा भालुको आक्रमणबाट दुई घाइते

संखुवासभा । भालुको आक्रमणबाट संखुवासभाको भोटखोला गाउँपालिका–४ माङ्खिममा दुई जना घाइते भएका छन् । भालुको आक्रमणबाटमकालु बरुण राष्ट्रिय निकुञ्ज अन्तरर्गत भोटखोला गाउँपालिका–४ माङ्खिमका ४६ बर्षीय प्रेम गुरुङ र २६ राजमान राई घाइते भएको भोटखोला गाउँपालिका अध्यक्ष वाङछेदर भोटेले जानकारी दिए ।

बुधबार दिउँसो घर नजिकै रहेको मकै खोहोरीया काम गर्दे गरेको गुरुङ र राईलाई भालुले आक्रमण गर्दा घाइते भएको गाउँपालिका अध्यक्ष भोटेले बताए । भालुको आक्रमणबाट उनीहरुको अनुहार, टाउको,खुट्टा र हातमा लगायत शरिरका विभिन्न भागमा गहिरो चोट लागेको छ। घाइते मध्ये २६ बर्षीय राईको अवस्था गम्भीर रहेको अध्यक्ष भोटेले बताए ।

घाइतेको गोला सामुदायिक स्वास्थ्य केन्द्रमा उपचार हुन नसकेपछि थप उपचारका लागि काठमाण्डौ लग्ने तयारी भइरहेको अध्यक्ष भोटेले बताए । मकालु बरुण राष्ट्रिय निकुञ्ज क्षेत्रभित्र बर्षेनी आधा दर्जन व्यक्ति भालुको आक्रमणबाट घाइते हुने गरेका छन् ।

घाइतेको उपचारका लागि मकालु बरुण राष्ट्रिय निकुञ्ज कार्यालय सँग छलफल भएको भोटेले बताए । निकुञ्ज सँगको छलफल पश्चात घाइतेको उपचार विरामी कुरुवाको खर्च ब्यहोर्ने सहमति पछि गाउँपालिकाकै गाडीमा उपचारका लागि भोटखोला बाट सदरमुकाम खाँदबारी प्रस्थान गरेको अध्यक्ष भोटेले बताए ।