झलनाथ खनालले भने- वर्तमान सरकार ठोस नीति लिएर अगाडि बढ्न सकेन

काठमाडौँ। पूर्वप्रधानमन्त्री झलनाथ खनालले वर्तमान सरकार विकासको ठोस नीति लिएर अघि बढ्न नसकेको बताएका छन् ।

आइतबार काठमाडौंमा आयोजित समाजवादी प्रेस संगठन नेपाल दोस्रो स्थापना दिवसको अवसरमा आयोजित कार्यक्रममा उनले सरकारले ल्याएको बजेट,नीति तथा कार्यक्रम परम्परागत विधिबाट नै ल्याएको र जनताको आवश्यकताको आधार अघि बढ्न नसकेको बताए ।

सरकार देशका उत्पादन र कृषिलाई अगाडि बढाउने कुनै ठोस् नीति लिएर अगाडि बढ्न नसकेको भन्दै उनले हिजोकै नवउद्दारवादी चिन्तनको धरातलबाट दौडी रहेको टिप्पणी गरे ।

उनले भने, ‘मानिसको जीवन झन् झन् सङ्कटमा पर्दै गएको छ । देशका उत्पादनलाई कसरी बढाउने कृषिलाई कसरी अगाडी बढाउने यो कुरामा सरकारले कुनै ठोस् नीति लिएर अगाडि बढ्न सकेको छैन । परम्परागत विधिमा नै छ । अहिलेका जुन नीति र कार्यक्रम छन् । बजेटहरू आएका छन् नयाँ केही देखिन हिजोकै नवउद्दारवादी चिन्तन नै हो । त्यसकै धरातलबाट नै सरकार दौडी रहेको छ ।’