बाल सुधार गृहबाट भागेका १७० जना प्रहरी नियन्त्रणमा

काठमाडौं । भक्तपुरको सानोठिमीस्थित युसेफको बालसुधार गृहबाट भागेकामध्ये १७० जनालाई प्रहरीले नियन्त्रणमा लिएको छ । सुधार गृहबाट भागेकामध्ये काठमाडौं प्रहरीले ८७ र भक्तपुर प्रहरीले ८३ जलाई विभिन्न स्थानबाट नियन्त्रणमा लिएका हो।

विभिन्न कसुरमा मुछिएर सुधार गृहमा रहेकामध्ये ५१ जना फरार रहेको जिल्ला प्रहरी परिसर भक्तपुरले जनाएको छ । सुधार गृहमा २९७ जना बालबालिका रहेका थिए । जसमध्ये ७६ जना भागेका थिएनन् । त्यसमध्ये पनि ५ जना उपचारमा रहेको प्रहरीले जनाएको छ ।

फरार रहेकाहरूको खोजीका लागि सुरक्षाकर्मी परिचालन गरिएको प्रहरीले जनाएको छ । आइतबार उक्त सुधार गृहमा एक बालकको मृत्यु भएको थियो । त्यसपछि उनका आफन्तले गेटमा प्रदर्शन गर्नुका साथै तोडफोडसमेत गरेको थिए ।