महोत्तरी । महोत्तरीको बर्दिबास नगरपालिका–६ मा गम्भीर दुर्घटना भएको छ । सो स्थानमा जिपले ठक्कर दिँदा मोटरसाइकलमा सवार दुई जनाको मृत्यु भएको छ भने एक जना घाइते भएका छन् ।
शनिबार बेलुका साढे ८ बजे ज१च १८४६ नम्बरको बलेरो जिपले ठक्कर दिँदा मोटरसाइकल चालक स्थानीय ३२ वर्षीय प्रमोद राय र २८ वर्षीय देवबहादुर खपाङ्गीको मृत्यु भएको हो ।
दुर्घटनामा गम्भीर घाइते भएका दुवैजनालाई थप उपचारको लागि अस्पताल लैजाने क्रममा बाटोमै मृत्यु भएको प्रहरी चौकी किसाननगरले जनाएको छ ।
सो दुर्घटनामा घाइते भएका १८ वर्षीय राजभरोष महतोको लालगढस्थित मोडेल अस्पतालमा उपचार भइरहेको छ ।
दुर्घटना पश्चात जिप चालक फरार छन् । उनको खोजी भइरहेको प्रहरीले जनाएको छ ।
