जितका लागि आयरल्यान्डलाई नेपालले दियो २६९ रनको लक्ष्य

काठमाडौं। जितका लागि नेपालले आयरल्यान्डलाई २६९ रनको लक्ष्य दिएको छ। आईसीसी विश्वकप छनौटअन्तर्गत सातौं स्थानको लागि आज भएको खेलमा नेपालले निर्धारित ओभरमा ९ विकेट गुमाएर २६८ रन बनाउन सफल भएको हो।

नेपालका लागि गुल्सन झाले अविजित ५७ रन बनाए। त्यस्तै अर्जुन साउद अर्धशतक बनाउन दुई रनबाट चुके भने कुशल मल्ल ६ रनबाट चुके।

टस हारेर ब्याटिङको निम्तो पाएको नेपालका लागि ओपनर कुशल भुर्तेल ८ रन बनाएर पेभेलियन फर्किएका थिए। त्यस्तै ज्ञानेन्द्र मल्ल ७, कप्तान रोहित पौडेल २९, भीम सार्की २०, सन्दीप लामिछाने ३२, करण केसी ४ रनबाट आउट भए।

युएईविरुद्ध राम्रो पारी खेलेका दीपेन्द्र सिंह ऐरी शून्यमा आउट भए भने किशोर महतो १ रनमा अविजित रहे।