जसपा संसदीय दलको बैठक बस्दै, बजेटबारे निर्णय लिने

काठमाडौँ। जनता समाजवादी पार्टी संसदीय दलको बैठक बस्दैछ। बैठक दिउँसो १२ बजे बस्ने तय भएको जसपाका सांसद राजकिशोर यादवले जानकारी दिए। उनले बजेटबारे निर्णय लिन उक्त बैठक बस्न लागेको समेत बताए।

जसपाले बजेटप्रति असन्तुष्टि पोख्दै आएको छ।

बजेट सच्याउन माग गरिरहेको उसले प्रधानमन्त्री पुष्पकमल दाहाल र अर्थमन्त्री प्रकाशशरण महतसँग जवाफ पनि माग गरेको थियो। मंगलबार अर्थमन्त्री महतले जवाफ दिएका थिए।

त्यसबाट हुन नसकेको जसपाका सांसदहरूले बताए। आज प्रधानमन्त्री प्रचण्डले गुनासोको सम्बोधन गरे पक्षमा भोट हाल्न सहज हुने उनीहरूको भनाइ छ।

यसैबीच बजेटप्रति असन्तुष्टि जनाउँदै आएको एकीकृत समाजवादीकोले पनि संसदीय दलको बैठक बोलाएको छ। बिहान साढे दस बजे संघीय संसद् भवन नयाँ बानेश्वरमा बस्ने बैठकले निर्णय लिनेछ।