राप्रपा नेपालको कार्य सम्पादन समितिको बैठक आज बस्दै

काठमाडौं। राप्रपा नेपालको कार्य सम्पादन समितिको बैठक बस्दैछ। कार्यसम्पादन समितिको बैठक पुतलीसडक स्थित बज्र कम्प्लेक्समा आज दिउँसो साढे १ बजे बस्ने भएको हो ।

बैठकमा यही जेठ ९ र १० गते काठमाडौंमा बस्ने केन्द्रीय समितिको बैठकबारे छलफल हुने बताइएको छ ।

केन्द्रीय समितिमा पार्टी अध्यक्ष कमल थापाबाट प्रस्तुत हुने राजनीतिक कार्यपत्र,महामन्त्रीहरू भास्कर भद्रा, सुशील श्रेष्ठ ,राजाराम बर्तौला र केशवराज श्रेष्ठबाट प्रस्तुत हुने सचिवालय, प्रशिक्षण, सङ्गठन र स्मार्ट पार्टी निर्माण सम्बन्धी प्रतिवेदन र कोषाध्यक्ष ज्ञानेन्द्र कार्कीबाट प्रस्तुत हुने आर्थिक प्रतिवेदनमाथि आजको कार्य सम्पादन समितिमा छलफल हुने बझिएको छ ।