वीरगञ्जबाट ४ हजार २ सय एम्पुल लागुऔषधसहित एकजना पक्राउ

वीरगञ्ज। वीरगञ्जबाट लागुऔषधसहित एकजना पक्राउ परेका छन् ।

वीरगञ्ज महानगरपालिका-१२ बाइपास सडकखण्डबाट वीरगञ्ज महानगरपालिका-१६ बस्ने बब्लु पाठकलाई लागुऔषधसहित पक्राउ गरेको हो।

उनले भारतबाट वीरगञ्जतर्फ चलाइ ल्याएको अवस्थामा ना १ ज २०३७ नम्बरको टाटा सुमो गाडीको इन्जिन माथिको बर्नटको दुबैपट्टिको भागमा लुकाइछिपाइ राखेको अवस्थामा प्रतिबन्धित लागुऔषध फेनारगन १४०० एम्पुल, डाइजेल्याब १४०० एम्पुल र नुरफिन १४०० एम्पुल गरी जम्मा ४२०० एम्पुल प्रहरीले बरामद गरेको छ।

लागुऔषधसहित पक्राउ परेका पाठकलाई लागुऔषध सम्बन्धी कसुरमा अदालतबाट सात दिनको म्याद थप गरी अनुसन्धान भइरहेको प्रहरीको भनाइ छ ।