बागमती प्रदेशका मुख्यमन्त्री पद संकटमा !

काठमाडौं । नेपाल कम्युनिष्ट पार्टी (नेकपा) को जारी विवाद बिस्तारै समाधानको दिशामा गएको छ । विशेषगरी नेकपाले कार्यदल गठन गरेपछि विवाद समाधानको सम्भावना बढेको हो । 

तर नेकपाको विवाद मिलेसँगै बागमती प्रदेशका मुख्यमन्त्री डोरमणि पौडेलको पद धरापमा परेको बताइन्छ। यतिबेला डोरमणिलाई पदबाट हटाउन केन्द्र र प्रदेश दुबैतिरबाट पहल भैरहेको थाहा भएको छ । प्रधानमन्त्री केपी शर्मा ओलीको छत्रछायाँमा मुख्यमन्त्रीको कुर्सीसम्म पुगेका उनको पद भने अब धेरै समय नटिक्ने पक्कापक्की भएको बागमती प्रदेशका एक सांसदले बताए । 

यतिबेला नेकपा विवाद समाधान गर्ने अस्त्रको रुपमा मन्त्रिमण्डल हेरफेर र केही मुख्यमन्त्री परिवर्तन समेत रहेको छ । परिवर्तन हुने मुख्यमन्त्रीमा दुई जनाको नाम अघि आएको छ । पहिलो हुन्, प्रदेश ५ का मुख्यमन्त्री शंकर पोखरेल र अर्का हुन् बागमती प्रदेशका मुख्यमन्त्री डोरमणि पौडेल।

शंकर पोखरेल भने आफैं सो पद त्याग्न तयार छन् । केन्द्रको राजनीतिमा नै प्रभावशाली रहेका उनी प्रदेशको मुख्यमन्त्री बनेपछि ओझेलमा पर्दै गएका छन् । प्रधानमन्त्री केपी शर्मा ओलीको विश्वासपात्र उनी यतिबेला केन्द्रको राजनीतिमा हुँदा बढी प्रभावशाली हुनसक्ने भएका कारण पनि उनी आफैं नै मुख्यमन्त्री पद त्याग्‍न चाहिरहेका थिए । अहिलेको नेकपा विवादमा सबैभन्दा पहिला आफूले राजीनामा दिने उनले बताइसकेका छन् ।

तर डोरमणिको हकमा भने कुरा अलिह फरक छ । बागमती प्रदेशको मुख्यमन्त्री बनेका उनको आफ्नै दलका सांसदसँग सम्बन्ध त्यति सुमधुर छैन । उनको विषयमा नेकपाभित्रै विवाद रहेको बताइन्छ । यस्तोमा नेकपा विवाद मिलाउने बहानामा उनलाई राजीनामा गर्न लगाउने तयारी रहेको छ । 

केन्द्रले उनलाई नहटाएको अवस्थामा भने प्रदेश भित्रैबाट उनीविरुद्ध कदम चाल्ने तयारी समेत रहेको बागमती प्रदेशका  ती सांसदले बताए । बागमती प्रदेशकी १ सय १० सिटमा नेकपासँग ९० सिट रहेको छ । तर तीमध्ये ६० जना सांसद डोरमणि विरुद्ध रहेको बताइन्छ । 

विशेषगरी यो वर्षको बजेटको विषयमा अधिका‌ंश सांसद उनको विपक्षमा गएको बुझिएको छ । 

सो बजेटमा पोष्टबहादुर बोगटी कुुलेखानी सुरुङमार्गका लागि १ खर्ब छुट्याएको विषयमा प्रश्न उठेको थियो। दलको बैठकमा जवाफ दिदै मुख्यमन्त्री पौडेलले सो सुरुङमार्गका लागि छुट्टाएको रकम हटाउने जानकारी दिएका थिए । संसदीय दलको एक कार्यसमिति बनाएर बजेट सच्याउने आश्वासन डोरमणिले दिएका थिए।

बजेटको सोही विषय सच्चाउनका लागि सुझाव दिने भन्दै एक कार्यदल समेत गठन भयो । आन्तरिक मामला तथा गृहमन्त्री शालिकराम जम्मरकटेलको संयोजकत्वमा प्रमुुख सचेतक केशव पाण्डे, सदस्यहरु केशव पोखरेल, रत्न ढकाल, प्रतिमा श्रेष्ठ रहेको कार्यदल बनाइयो । तर कार्यदलको अवधि नसकिँदै बजेट पारित भयो । 

गत असार २० मा पारित बजेट कार्यान्वयनको चरणमा गैसकेको छ । तर कार्यदलले अहिलेसम्म प्रतिवेदन बुझाएको छैन । यो विषयमा डोरमणिसँग अन्य सांसदहरु रुष्ट बनेको बताइएको छ । यो बाहेक यसअघिका उनको विवाद र कार्यशैलीका कारण पनि करिब ६० सांसद उनको विरुद्ध खुला रुपमै लागेको बताइन्छ । 

यतिबेला नेकपाभित्रको विवाद चर्केका कारण यो विवाद सतहमा नआएको बुझिएको छ । तर विवाद समाधानसँगै केन्द्र र प्रदेश दुबै