घनश्याम भुसाल नेकपा एसबाट चुनाव लड्ने

काठमाडौं । हिजो मात्र  नेकपा एमाले त्यागेका घनश्याम भुसाल  नेकपा एकीकृत समाजवादीबाट निर्वाचन लड्ने भएका छन् ।भुसालले हिजो   शनिबार आफ्नो फेसबुक पेज मार्फत् एमाले परित्याग गरेको घोषणा गरेका थिए । एमाले त्यागेका भुसाललाई  एकीकृत समाजवादीले रुपन्देही १ मा कलम चिह्नबाट निर्वाचन लड्न भनेको हो । त्यहाँ एमाले सचिब छबिलाल बिश्वकर्मा उम्मेदवार छन् ।

भुसालको गृह क्षेत्र पनि रुपन्देही  १ नम्बर नै हो । भुसाललाई समाजवादीले पार्टी बाट वा पार्टीको चिन्ह लिएर स्वतन्त्र हैसियतमा चुनाव लड्न भनेको छ । गठबन्धनले भुसाललाई सहयोग गर्ने भनिसकेको छ । माओवादीले आफ्नो चिन्ह लिएर प्रतिस्पर्धा गर्न भनेको थियो तर उनले अस्विकार गरेका छन् । अन्तिममा भुसालले कलम चिन्हबाट प्रतिस्पर्धा गर्ने तयारी भैरहेको छ ।