कांग्रेसबाट मोहम्मद आलम रौतहट -२ मा प्रतिनिधिसभाका लागि सर्वसम्मत

काठमाडौं । कारागारमा रहेका मोहम्मद आलम रौतहट- २ मा  प्रतिनिधिसभाका लागि सर्वसम्मत सिफारिस भएका छन् ।
 एक दर्जन मान्छेलाई जिउँदै इँटा भट्टामा जलाएको अभियोगमा पुर्पक्षको लागि जेलमा रहेका पूर्वमन्त्री मोहम्मद अफताब  आलाम नेपाली कांग्रेसबाट प्रतिनिधिसभा सदस्यका लागि सर्वसम्मत सिफारिस भएका हुन् । आलम  हाल पुर्पपक्षका लागि नख्खु कारागारमा छन् ।

नेपाली कांग्रेसको रौतहट – २ नम्बर क्षेत्रीय कार्य समितिको बैठकले बिहीबार आलमको नाम एकल रुपमा सिफारिस गरेको हो ।
केन्द्रको निर्देशनअनुसार औपचारिकताका लागि महिलाबाट अन्जु झाको नाम सिफारिस भएको छ ।
आलममाथि २०६४ सालको चुनावमा विष्फोटक पदार्थ बनाउने क्रममा घाइते भएका आफ्ना कार्यकर्ता तथा भाडामा भारतबाट ल्याएका व्यक्तिलाई पोल खुल्ने डरले भट्टामा हालेर जिउँदै जलाएको अभियोगमा मुद्दा चलिरहेको छ ।