चौतर्फी बिरोधपछि प्रधानमन्त्री देउवाले भने–कुनै हालतमा प्रहरीलाई अहिले हतियार किनिँदैन

काठमाडौं ।  प्रधानमन्त्री शेरबहादुर देउवाले अहिले प्रहरीलाई कुनै पनि हालतमा हतियार नकिन्ने बताएका छन् । हतियार खरिद गर्नका लागि रकमान्तर गरी बजेट छुट्याइको र तीन गुणाा महंगो मूल्यमा किन्न लागिएको बिषयमा प्रतिपक्षी दलमात्र होइन, आफ्नै दलभित्र बिरोध भएपछि प्रधानमन्त्री देउवा पछि हटेका छन् । नेपाल प्रहरीलाई अपराध अनुसन्धानका लागि आवश्यक प्रविधियुक्त बनाउनुपर्नेमा आवश्यकै नभएको हतियार खरिद गर्न लागिएकोमा प्रहरीका पूर्वएआइजी राजेन्द्रसिंह भण्डारीले कमिसनको चक्ब्कर भएको बताउँदैआएका छन् ।

बिचौलिया दीपक भट्टको डिजाइनमा राजीनामा दिएका अर्थमन्त्री जनार्दन शर्माले रकमान्तर गरी हतियार खरिदको बजेट छुट्याएका थिए । प्रधानमन्त्री पत्नी आरजु राणासँग नै सेटिङ गरी बिचौलिया भट्टले हतियार खरिदका लागि रकमान्तर गराएका थिए । तीन गुणा बढी मूल्यमा हतियार खरिद गर्न लागेका बिचौलिया भट्टले नै सबै चाँजोपाँजो मिलाएका हुन् । तर ब्यापक बिरोध भएपछि प्रधानमन्त्री देउवा तत्काल हतियार खरिद नगर्ने निष्कर्षमा पुगेका छन् । कांग्रेसका सभापतिसमेत रहेका उनले यस विषयमा गृह मन्त्रीलाई निर्देशन दिने बताए ।

नेताहरु गोपालमान श्रेष्ठ र अर्जुननरसिंह केसीले केन्द्रीय समितिको जारी बैठकमा प्रहरीलाई किन्न लागेको हतियारका बारेमा प्रश्न उठाएका थिए ।

ुप्रहरीलाई हतियार किनिँदैन । अहिले आवश्यक पनि छैन । त्यो निर्णय होइन । त्यो हतियार अहिले किन्दैनौुं सभापति देउवाले बैठकमा भनेका थिए। 

प्रहरीलाई हतियार किन्न भन्दै यसअघि बजेट रकमान्तर गरिएको थियो ।