काठमाडौं । बिहीबार काठमाडौं उपत्यकामा ९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले यसको जानकारी दिएका हुन् ।
राष्ट्रिय जनस्वास्थ्य प्रयोगशाला टेकुमा भक्तपुरका दुई जना, शुक्रराज ट्रपिकल तथा तथा सरुवा रोग अस्पताल टेकुमा ललितपुरका एक जना, काठमाडौंका दुई जना, पाटन अस्पतालमा ललिलतपुरका तीन जना र स्टार अस्पतालमा ललितपुरका एक जना जना भेटिएका हुन् ।
यस्तैगरी बिहीबार देशभर १ सय ४७ जना काेराेना संक्रमित भेटिएका छन् । आज थपिएकासहित नेपालमा संक्रमितको संख्या १८ हजार १ सय ६१ जना पुगेको छ।
नेपालमा पछिल्लाे २४ घण्टामा १ सय ५६ जना उपचारपछि डिस्चार्ज भएका छन्। यसरी डिस्चार्ज हुनेकाे कुल संख्या १२ हजार ८ सय ४० पुगेकाे छ ।
वीरगञ्जका एक ७० वर्षीय वृद्ध मृत्यु भएको र बिहीबार उनमा कोरोना संक्रमण पुष्टि भएको छ । योसँगै नेपालमा कोरोनाको संक्रमणबाट मृत्यु हुनेको संख्या ४३ पुगेको छ।
