काठमाडौं । मंगलबार काठमाडौं उपत्यकामा कुल ३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले यसको जानकारी दिएका हुन् ।
राष्ट्रिय जनस्वास्थ्य प्रयोगशाला टेकुमा काठमाडौंका २ जना, शुक्रराज ट्रपिकल तथा तथा सरुवा रोग अस्पताल टेकुमा काठमाडौंका १ जना भेटिएका हुन् ।
आज देशभर एक सय जना काेराेना संक्रमित भेटिएका छन् । योसँगै नेपालमा संक्रमितको संख्या १८ हजार १४ जना पुगेको छ।
नेपालमा पछिल्लाे २४ घण्टामा २ सय ७ जना उपचारपछि डिस्चार्ज भएका छन्। यसरी डिस्चार्ज हुनेकाे कुल संख्या १२ हजार ६ सय ८४ पुगेकाे छ ।
देशका विभिन्न स्थानका २० हजार ८ सय ४२ सय जना क्वारेन्टिनमा छन्। बुधबार कोरोनाका कारण थप दुईजनाको मृत्यु भएको छ । यसरी मृत्यु हुनेमा धनुषाका ६० वर्षीय पुरुष र एक ४९ वर्षीया चिनियाँ महिला रहेका छन् । योसँगै नेपालमा कोरोनाको संक्रमणबाट मृत्यु हुनेको संख्या ४२ पुगेको छ।
