प्रचण्ड भन्छन्- देश दुर्घटनामा परे गठबन्धनको विरोध गर्नेहरुले जिम्मा लिनुपर्छ

काठमाडौं । नेकपा माओवादी केन्द्रका अध्यक्ष पुष्पकमल दाहालले  गठबन्धनको विरोध गर्नेहरुले देश दुर्घटनामा परे त्यसको जिम्मा  लिनुपर्ने बताएका छन् ।

आज (बिहीबार)  पाँच दलीय गठबन्धनले  भरतपुरको चितवनमा आयोजना गरेको निर्वाचन सभालाई सम्बोधन गर्दै अध्यक्ष प्रचण्डले वर्तमान गठबन्धनको विरुद्धमा लागेकाहरुकै कारण देश दुर्घटनामा जाने खतरमा रहेको बताएका छन् । यदि  त्यस्तो  अवस्था आए त्यसको जिम्मा गठबन्धन विरोधीले लिनुपर्ने बताएका हुन् ।

सभालाई सम्बोधन गर्दै अध्यक्ष प्रचण्डले भने– ‘मलाई आशंकाले हेरेर गठबबन्धन कमजोर पार्न खोज्नु भयो भने देश दुर्घटनामा पर्ने खतरा छ । त्यसको जवाफ अहिले यो गठबन्धनको विरोधमा भाषण गरेर हिन्नेहरुले दिनुपर्ने छ ।