ओली–प्रचण्ड छलफल: तीन घण्टा कुरा भयाे, तर निस्किएन निष्कर्ष

काठमाडौं ।प्रधानमन्त्री केपी शर्मा ओली र नेकपा अध्यक्ष पुष्पकमल दाहाल प्रचण्डबीचकाे छलफल सकिएकाे छ । बुधबार ११:३० मा सुरु भएकाे छलफल ३ घण्टा चलेपनि निष्कर्ष निस्कन नसेकेकाे बालुवाटार स्राेतले बताएकाे छ।  

नेकपाकाे विवाद समाधानका लागि निरन्तर छलफल भएपनि दुई अध्यक्षले कुनै विषयमा अहिलेसम्म सहमति भने गर्न सकेका छैनन् । बालुवाटार निकट स्राेतले जनाएअनुसार यतिबेला प्रचण्डले आफूलाई नेकपाकाे एकल अध्यक्ष दिए मात्र पनि हुने बताइरहेका छन् । तर प्रम ओली भने अहिलेकै अवस्थालाई निरन्तरता दिनेमा दृढ छन् । यसकाे बदला प्रचण्ड–नेपाल समूहका लागि मन्त्रिपरिषद् हेरफेर गर्न सकिने लाइनमा प्रम रहेकाे स्राेतकाे दावी छ । 

आज पनि प्रधानमन्त्रीसँग छलफल गर्नुअघि प्रचण्डले नेकपा वरिष्ठ नेता माधवकुमार नेपालसँग छलफल गरेका थिए।