ओली–प्रचण्डबीच आज पनि एक्लाएक्लै छलफल हुने

काठमाडौं । प्रधानमन्त्री केपी शर्मा ओली र नेकपा अध्यक्ष पुष्पकमल दाहाल प्रचण्डबीच बुधबार पनि छलफल हुने भएको छ। नेकपाका यी दुई अध्यक्षबीच मंगलबार पनि छलफल भएकाे थियाे । छलफल ११:३० मा सुरु हुने बताइएकाे छ । 

नेकपाकाे विवाद समाधानका लागि निरन्तर छलफल भएपनि दुई अध्यक्षले कुनै विषयमा अहिलेसम्म सहमति भने गर्न सकेका छैनन् । बालुवाटार निकट स्राेतले जनाएअनुसार यतिबेला प्रचण्डले आफूलाई नेकपाकाे एकल अध्यक्ष दिए मात्र पनि हुने बताइरहेका छन् । तर प्रम ओली भने अहिलेकै अवस्थालाई निरन्तरता दिनेमा दृढ छन् । यसकाे बदला प्रचण्ड–नेपाल समूहका लागि मन्त्रिपरिषद् हेरफेर गर्न सकिने लाइनमा प्रम रहेकाे स्राेतकाे दावी छ ।