एकैपटक तीनै तहको निर्वाचन गर्नेबारे बाबुरामको टिप्पणी: बिरालो बाँधेर श्राद्ध गरिरहने ?

काठमाडौँ । जनता समाजवादी पार्टी (जसपा) नेपालका संघीय परिषद् अध्यक्ष डा. बाबुराम भट्टराईले तीन तहको निर्वाचनमा हुने समयको खर्चबारे पुनर्विचार गर्न सुझाएका छन् । 

प्रत्येक ५ वर्ष १० महिनासम्म चुनावमा अल्झिनु समय र खर्चको हिसाबले उपयुक्त नभएको अध्यक्ष भट्टराईको सुझाव छ। 

पूर्वप्रधानमन्त्रीसमेत रहेका भट्टराईले सामाजिक सञ्जालमार्फत भनेका छन्, ‘चुनावको मुद्दालाई दलीय स्वार्थबाट नहेरौँ । मुख्य मुद्दा यो हो: ३ चरणका स्थानीय तहका कार्यकाल वैशाख/जेठ,असार र असोजमा पूरा हुने र प्रदेशको पुस/माघ र संघको फागुनमा हुने भएकाले प्रत्येक ५ वर्ष १० महिनासम्म चुनावमा अल्झिनु समय र खर्चको हिसाबले कति उपयुक्त होला ? बिरालो बाँधेर श्राद्ध गरिरहने ?’

चुनावको मुद्दालाई दलीय स्वार्थबाट नहेरौं।मुख्य मुद्दा यो हो:३ चरणका स्थानीय तहका कार्यकाल वैशाख/जेठ,असार र असोजमा पूरा हुने र प्रदेशको पुस/माघ र संघको फागुनमा हुने भएकाले प्रत्येक५बर्ष१०महिनासम्म चुनावमा अल्झिनु समय र खर्चको हिसाबले कति उपयुक्त होला?विरालो बाॅधेर श्राद्ध गरिरहने?

— Baburam Bhattarai (@brb1954) January 22, 2022

पछिल्लो समय तीनै तहको निर्वाचन एकैपटक गर्न बहस भइरहेको बेला भट्टराईले यस्तो सुझाव दिएका हुन्।