Nepal Face
  • सोमबार, १ मंसिर २०८३
  • पत्रकारिताबाट राजनीतिमा हाम्फालेका अजयबाबुलाई पहिलो प्रयासमै सफलता, बने केन्द्रीय सदस्य


    आइतबार, पुष ४ २०७८
    1.2K
    Shares
    Basu Dev Paudel
  • १ मिनेट पाठ
  • काठमाडौं। पत्रकार अजयबाबु सिवाकोटी नेपाली कांग्रेसको केन्द्रीय सदस्य निर्वाचित भएका छन् । शनिबार साँझ सम्पन्न ३५ जना खुला केन्द्रीय सदस्यको मतगणनामा ६४ जनालाई उछिन्दै सिवाकोटी विजयी भएका हुन् । १८११ मत पाएका सिवाकोटी २९औं स्थानमा विजयी भएका हुन् । 

    कांग्रेसको १४औं महाधिवेशनमा पत्रकारिताबाट सक्रिय राजनीतिमा हाम्फालेका पत्रकार सिवाकोटीले पहिलो प्रयासमै सफलता हात पारेका हुन् । दोलखाबाट महाधिवेशन प्रतिनिधिसमेत रहेका सिवाकोटीले उम्मेदवार बन्दै गर्दा सक्रिय पत्रकारिताबाट विश्राम लिइसकेका छन् ।

    कांग्रेसमा गगन थापा निकट मानिने सिवाकोटी यसअघि प्रेस युनियनको महासचिव थिए । सिवाकोटीले कांग्रेसले आर्थिक विकासको एजेण्डा बोकेर देशलाई समृद्ध बनाउनुपर्ने बताउँदै आएका छन् । यसका लागि युवाले अग्रसरता लिनुपर्ने उनको धारणा रहँदै आएको छ ।

    प्रतिक्रिया
    सम्बन्धित समाचार
    ताजा समाचार