मकवानपुर । नेपाली कांग्रेसको बागमती प्रदेश समितिको सभापति पदका लागि भएको दोस्रो पटकको निर्वाचन सकिएको छ । निर्वाचनमा २०२५ मत खसेको छ ।
प्रदेश राजधानी हेटौंडास्थित वन विज्ञान अध्ययन संस्थानमा १६ मंसिरबाट जारी अधिवेशनमा हिजो राती सभापतिका तीन उम्मेदवार मध्ये कसैको पनि बहुमत नआएपछि आज फेरि निर्वाचन भएको हो ।
सभापति पदमा शेरबहादुर देउवा पक्षका नेपाली कांग्रेस मकवानपुरका सभापति, बागमती प्रदेशसभा संसदीय दलका नेता इन्द्रबहादुर बानिया, रामचन्द्र पौडेल पक्षका जगदीश्वर नरसिंह केसी र कृष्ण सिटौला पक्षका भीमसेनदास प्रधानबीच भएको चुनावमा कसैको पनि बहुमत नआएपछि चुनाव भएको थियो ।
गएराति सकिएको चुनावमा २ हजार ८३ जना प्रतिनिधिले मतदान गरेकोमा बानियाले ९ सय ९२ मत प्राप्त गरेका थिए । राति मत गणना गरेर सकिएपछि बढी मत ल्याए पनि सभापति पदका लागि बानियाले जम्मा ४८ प्रतिशत मात्र मत पाएकाले सभापति हुन अयोग्य भएका थिए ।
सभापतिका अर्का उम्मेदवार केसीले ८ सय ७७ मत पाएका थिए भने प्रधानले १ सय ९७ मत प्राप्त गरेका थिए । बानिया सहित तीनै जना सभापतिका उम्मेदवारले पार्टीको विधान अनुसार ५१ प्रतिशत मत प्राप्त नगरेकाले फेरि मतदान भएको हो ।
दोस्रो पटकको निर्वाचनमा तेस्रो भएका अर्थात् चुनावी दौडबाट बाहिरिएका प्रधानले आइतबार पत्रकार सम्मेलन नै गरेर बानियालाई आफ्नो टिमको समर्थन रहेको घोषणा गरेका थिए । यसपछि बानिया र केसीका बीच चुनाव भएको हो ।
दोस्रो पटकको भोटिङमा प्रधानको समेत समर्थन रहेकाले बानिया आफूले जित्नेमा विश्वस्त रहेको बताउँछन् । अब केही बेरमै मतगणना कार्य सुरु गरिने जनाइएको छ ।
काठमाडौँ। नेकपा एमालेका अध्यक्ष केपी शर्मा ओलीले जुनसुकै समयमा सरकारविरुद्ध आन्दोलनमा उत्रिनुपर्ने अवस्था आउन सक्ने भन्दै मानसिक र साङ्गठनिक रूपमा तयार रहन पार्टीपंक्तिलाई निर्देशन...
काठमाडौँ । राष्ट्रिय स्वतन्त्र पार्टी (रास्वपा) का सांसद पारसमणि गेलालको सचिवालयले निर्वाचनका क्रममा प्रधानमन्त्री वालेन्द्र शाह, रास्वपा सभापति रवि लामिछाने तथा सांसद गेलाल र...
काठमाडौँ। पूर्वप्रधानमन्त्री एवं नेपाली कांग्रेसका सभापति शेरबहादुर देउवा सातै प्रदेश अधिवेशनमा सहभागी हुने भएका छन्। कांग्रेसको देउवा पक्षको प्रदेश अधिवशेन मंसिर ५ गतेबाट सुरु हुँदै...
काठमाडौँ । राष्ट्रिय स्वतन्त्र पार्टी (रास्वपा) का सहप्रवक्ता सुरेन्द्र चौधरीले सर्वोच्च अदालतले नेपाल प्रहरीका निवर्तमान महानिरीक्षक दानबहादुर कार्कीलाई पुनर्बहाली गरे पनि उनलाई महानिरीक्षकका रूपमा...
काठमाडौँ। नेकपा एमालेको स्थायी कमिटी बैठक आज बस्दै छ । बैठक आज दिउँसो १ बजे केन्द्रीय कार्यालय च्यासलमा स्थायी कमिटी बैठक बस्ने गरी बोलाएको...
आकर्षक मिडिया प्रा. लि.
अनामनगर मच्छिगल्ली, काठमाडौं
सुचना तथा प्रसारण विभाग
१७८०/०७६-७७
ईमेल: nepalface21@gmail.com
सम्पर्क नम्बर : ०१-४१०२६८२
अध्यक्ष
माधव प्रसाद पौडेल
सम्पादक
राजुप्रसाद तिमल्सिना
© 2026 All right reserved to nepalface.com | Site By : SobizTrend