पोखरा । नेकपा एमालेको १०औं महाधिवेशनका लागि गण्डकी प्रदेशबाट ठूलो संख्यामा महाधिवेशन प्रतिनिधिसहित नेता कार्यकर्ता चितवन प्रस्थान गरेका छन् । गण्डकी प्रदेशबाट ९० हजार कार्यकर्ता चितवन झार्ने योजना रहेको संयोजक किरण गुरुङले बताए
कास्कीका सचिव दामोदर वैरागीका अनुसार कास्कीबाट महाधिवेशनका लागि ८९० वटा गाडी सौराहा प्रस्थान गरेका छन् । २०५ वटा बस, ४५ वटा जिप, माइक्रो र भ्यान, १४० वटा निजी कार तथा पाँच सय वटा मोटरसाइकल सौराहा जानका सूचीकृत गरिएको उनले बताए ।
‘रुपा गाउँपालिकाले १५ वटा गाडी लान्छु भनेको छ । मादी, माछापुच्छ्रे र अन्नपूर्णले पनि सूचि दिएको छ,’ उनले भने, ‘पोखरा महानगरका प्रत्येक वडाबाट पाँच वटा भन्दा बढी गाडी जाँदैछन् ।’ उनको आँकडा अनुसार १३ हजार हाराहारी कास्कीबाट उपस्थित हुने छ । मुस्ताङबाट चार वटा गाडी र मनाङबाट एउटा गाडी महाधिवेशन स्थलतर्फ गएको छ ।
गोरखा एमालेले कार्यकर्ता ओसार्नका लागि १ सय वटा बस रिजर्भ गरेको जनाएको छ । त्यहाँबाट ५ हजार नेता कार्यकर्ता महाधिवेशनका लागि जानेछन् । म्याग्दीबाट ४० वटा गाडी रिजर्भ गरेर १५ सय जनालाई महाधिवेशनमा लैजाने तयारी छ । स्याङ्जाका प्रत्येक वडाबाट एउटा गाडी लैजानुपर्ने उर्दी छ । हिसाब गर्दा स्याङ्जाबाट ९७ गाडीले कार्यकर्ता ओसार्ने छन् ।
तनहुँबाट पार्टीले २५ र जनवर्गीय संगठनले ३–३ वटा गर्दा ५० वटा हाराहारी गाडी लैजाने तयारी छ । लमजुङबाट २० वटा, पर्वतबाट १५ र बागलुङबाट २० हाराहारी गाडी लगिँदै छ । तथापि सबैले दर्ता नगराएका कारण ठ्याक्कै तथ्यांक भन्न नसकिएको जिल्ला कमिटीले जनाएका छन् ।
नवलपुर नजिक भएकोले खासै हिसाब निकालिएको छैन । उनीहरू हिँडेरै वा कसैसँग सहयोग मागेर जान सक्ने भएकोले टाढाबाट आउनेलाई मात्रै रिजर्भ गाडीको व्यवस्था गरिएको प्रदेश संयोजक गुरुङले बताए । तनहुँको पनि देवघाट क्षेत्रका स्थानीय आफ्नै हिसाबले जाने योजनामा छन् ।
काठमाडौँ। नेकपा एमालेका अध्यक्ष केपी शर्मा ओलीले जुनसुकै समयमा सरकारविरुद्ध आन्दोलनमा उत्रिनुपर्ने अवस्था आउन सक्ने भन्दै मानसिक र साङ्गठनिक रूपमा तयार रहन पार्टीपंक्तिलाई निर्देशन...
काठमाडौँ । राष्ट्रिय स्वतन्त्र पार्टी (रास्वपा) का सांसद पारसमणि गेलालको सचिवालयले निर्वाचनका क्रममा प्रधानमन्त्री वालेन्द्र शाह, रास्वपा सभापति रवि लामिछाने तथा सांसद गेलाल र...
काठमाडौँ। पूर्वप्रधानमन्त्री एवं नेपाली कांग्रेसका सभापति शेरबहादुर देउवा सातै प्रदेश अधिवेशनमा सहभागी हुने भएका छन्। कांग्रेसको देउवा पक्षको प्रदेश अधिवशेन मंसिर ५ गतेबाट सुरु हुँदै...
काठमाडौँ । राष्ट्रिय स्वतन्त्र पार्टी (रास्वपा) का सहप्रवक्ता सुरेन्द्र चौधरीले सर्वोच्च अदालतले नेपाल प्रहरीका निवर्तमान महानिरीक्षक दानबहादुर कार्कीलाई पुनर्बहाली गरे पनि उनलाई महानिरीक्षकका रूपमा...
काठमाडौँ। नेकपा एमालेको स्थायी कमिटी बैठक आज बस्दै छ । बैठक आज दिउँसो १ बजे केन्द्रीय कार्यालय च्यासलमा स्थायी कमिटी बैठक बस्ने गरी बोलाएको...
आकर्षक मिडिया प्रा. लि.
अनामनगर मच्छिगल्ली, काठमाडौं
सुचना तथा प्रसारण विभाग
१७८०/०७६-७७
ईमेल: nepalface21@gmail.com
सम्पर्क नम्बर : ०१-४१०२६८२
अध्यक्ष
माधव प्रसाद पौडेल
सम्पादक
राजुप्रसाद तिमल्सिना
© 2026 All right reserved to nepalface.com | Site By : SobizTrend