भीम रावललाई नेपालकाे आग्रह- केही नसोची राजीनामा फिर्ता गर्नूहोस् कमरेड !

काठमाडाैं । नेकपा (एमाले) का वरिष्ठ नेता माधवकुमार नेपाल उपाध्यक्ष भीम रावललाई राजीनामा फिर्ता लिन आग्रह गरेका छन् ।

रावललाई भेट्न उनकै निवास टोखा पुगेका नेपालले तपाईँले किन राजीनामा गर्नुभयो ? पहिला राजीनामा फिर्ता गर्नूह अनि बल्ल अरू कुराहरू हुन्छ भन्दै राजीनामा फिर्ता लिन आग्रह गरेका हुन् । 

रावललाई माधव नेपाललले- ‘तपाईँले किन राजीनामा गर्नुभयो। पहिला राजीनामा फिर्ता गर्नूहोस्। राजीनामा फिर्ता गरेपछि बल्ल अरू कुराहरू हुन्छ। इन्तु, किन्तु परन्तु केही नभनी राजीनामा फिर्ता गर्नूहोस्,’ नेपालले रावललाई भने, ‘राजीनामा दिने तपाईको नैशर्गिक अधिकार हो। तर राजीनामा गर्न पाउन्नस् भन्ने पनि हाम्रो अधिकार हुन्छ, जनताको अधिकार हुन्छ। त्यसैले तपाईले दायाँ बायाँ केही नभनी राजीनामा फिर्ता लिनुहोस् त्यसपछि अरू कुराहरू हुन्छ।’

भेटवार्तामा नेताद्वयबीच प्रधानमन्त्री शेरबहादुर देउवालाई विश्वासको मत दिने सन्दर्भमा रावलले दिएको राजीनामा र पार्टीभित्रको समस्याका बारेमा छलफल भएको थियो । 

रावलले प्रधानमन्त्री शेरबहादुर देउवालाई विश्वासको मत दिने सन्दर्भमा  नेपाल पक्षमा मतभेद हुँदा आइतबार प्रतिनिधिसभा पदबाट राजीनामा दिएका थिए ।

आज बसेको नेपाल पक्षको बैठकमा पनि रावल अनुपस्थित भएका थिए । त्यसपछि नेपाल रावललाई भेट्न टोखा पुगेका हुन् ।