विश्वासको मत पाउनासाथ देउवालाई मोदीको बधाई

काठमाडौं । प्रधानमन्त्री शेरबहादुर देउवाले प्रतिनिधिसभामा विश्वासको मत प्राप्त गर्नासाथ भारतका प्रधानमन्त्री नरेन्द्र मोदीले बधाई दिएका छन् । प्रधानमन्त्री देउवाले विश्वासको मत प्राप्त गरेको समाचार सार्वजनिक हुनासाथ भारतीय समकक्षी मोदीले सामाजिक संजाल ट्वीटरमा बधाइ दिएका छन् ।

मोदीले देउवालाई सफल कार्यकालको बधाइ दिएका छन् । उनले सबै क्षेत्रमा सहकार्यका साथै जनता–जनताबीचको सम्बन्धलाई अझै प्रगाढ बनाउने आशा व्यक्त पनि ब्यक्त गरेका छन् । असार २९ मा  देउवा प्रधानमन्त्री नियुक्ति भएपछि भारतले बधाई नदिएको बिषयमा टिकाटिप्पणी हुँदैआएको थियो । आज विश्वासको मत प्राप्त गर्नासाथ मोदीले बधाइ दिएपछि ती टिकाटिप्पणी गर्नेहरुको मुख थुनिएको छ ।

 प्रधानमन्त्री देउवालाई आज प्रतिनिधिसभामा १६५ सांसदले विश्वासको मत दिएका छन् । उनको बिपक्षमा जम्मा ८३ सांसदले मतदान गरेका छन् ।