आन्तरिक छलफलमा नेपाल पक्ष, देउवालाई विश्वासको मत देलान् त ?

काठमाडाैं । प्रधानमन्त्री शेरबहादुर देउवाले आजै विश्वासको मत लिने तयारी गरेपछि नेकपा एमालेका बरिष्ठ नेता माधवकुमार नेपाल पक्ष आन्तरिक छलफलमा जुटेको छ ।

प्रधानमन्त्री देउवालाई विश्वासको मत दिने कि नदिने भन्ने विषयमा छलफल गर्न नेपाल पक्ष आकस्मिक रूपमा आन्तरिक छलफलमा जुटेकाे हाे । 

 प्रधानमन्त्री देउवाले आज बस्ने प्रतिनिधिसभा बैठकपछि विश्वासको मत लिने तयारी गरेका छन् । 

प्रतिनिधि सभामा विश्वासको मत पाउन देउवालाई कुल १ सय ३६ सांसदको समर्थन चाहिने हुन्छ । यतिवेला देउवासँग कांग्रेसका ६१, माओवादी केन्द्रका ४९ सांसद छन् भने जसपाको उपेन्द्र यादव पक्षमा १७ र राष्ट्रिय जनमोर्चाका एक सांसद छन् ।  एमालेको नेपाल समूहका ८ सांसदले मत दिएमा देउवाले विश्वासको मत पाउनेछन् ।