काठमाडौं । नेकपा(एमाले)का अध्यक्ष केपी शर्मा ओलीलाई संसदीय दलको नेताबाट हटाएरै भए पनि पार्टीमा एकता कायम गर्ने पक्षमा दोस्रो पुस्ताका नेताहरु लागेका छन् । अध्यक्ष ओली र बरिष्ठ नेता माधवकुमार नेपालबीचको इगोले पार्टी एकता हुन नसकेपछि दोस्रो पुस्ताका नेताहरुमध्येबाट एकजनालाई संसदीय दलको नेता बनाउनेबारेमा घनीभूत छलफल भइरहेको छ ।
दोस्रो पुस्ताका नेताहरु बिष्णुप्रसाद पौडेललाई संसदीय दलको नेता बनाएर पार्टी एकता बचाउनेबारेमा पनि पार्टीमा छलफल भइरहेको छ । एमालेमा एकता हुन नसक्नुमा अध्यक्षका नाताले ओली बढी जिम्मेवार भएको निष्कर्ष निकाल्दै दोस्रो पुस्ताका नेताहरु उनलाई संसदीय दलको नेताबाट बिदा गर्नुपर्ने निष्कर्षमा पुगेका छन् ।
ओली र माधव नेपाल दुवैतर्फका दोस्रो तहका नेताहरु यसबारेमा छलफलमा जुटेका छन् । स्रोतका अनुसार ओलीको दम्भको कारण पार्टी बिग्रहतर्फ जान लागेको ठम्याईमा एमालेका करिब ३५ सांसद पुगिसकेका छन् । शुक्रबार राखिएको एमालेको संसदीय दलको बैठकमा प्रतिनिधिसभाका ७० देखि ७५ सांसद मात्र सहभागी हुनुले पनि असन्तुष्टि प्रकट गरेको छ । कतिपय जिल्लामा भए पनि काठमाडौंमै भएका सांसदहरु समेत बैठकमा नगएकाले संसदीय दलमा ओलीबिरुद्ध माहौल तयार भएको पुष्टि गर्दछ । ओली पक्षका ३५ र माधव नेपाल पक्षका २६ सांसद जोड्दा ६१ पुग्छ । प्रतिनिधिसभामा एमालेका १२१ सांसद छन् ।
माधव नेपाल पक्षका नेता घनश्याम भूसालका निकटस्थ एमाले नेता–कार्यकर्ताहरु ढुक्कका साथ पार्टी पनि नफुट्ने र वर्तमान संसद पनि पूरै कार्यकाल चल्ने टिप्पणी सामाजिक संजालमा पोष्ट गरिरहेका छन् ।
केपी ओलीले बालकोटको बार्दलीबाट बोलेका कटु बचनले पार्टी एकता झन् पर धकेलेको बुझाई दोस्रो पुुस्ताका उनकै गुटुका नेताहरुको पनि छ । महेश बस्नेत प्रवृत्तिको तामझाम देखेर उनले संयमता गुमाएर अभिब्यक्ति दिएपछि माधव नेपाललाई चिढ्याउने काम गरेको थियो ।
काठमाडौँ। नेकपा एमालेका अध्यक्ष केपी शर्मा ओलीले जुनसुकै समयमा सरकारविरुद्ध आन्दोलनमा उत्रिनुपर्ने अवस्था आउन सक्ने भन्दै मानसिक र साङ्गठनिक रूपमा तयार रहन पार्टीपंक्तिलाई निर्देशन...
काठमाडौँ । राष्ट्रिय स्वतन्त्र पार्टी (रास्वपा) का सांसद पारसमणि गेलालको सचिवालयले निर्वाचनका क्रममा प्रधानमन्त्री वालेन्द्र शाह, रास्वपा सभापति रवि लामिछाने तथा सांसद गेलाल र...
काठमाडौँ। पूर्वप्रधानमन्त्री एवं नेपाली कांग्रेसका सभापति शेरबहादुर देउवा सातै प्रदेश अधिवेशनमा सहभागी हुने भएका छन्। कांग्रेसको देउवा पक्षको प्रदेश अधिवशेन मंसिर ५ गतेबाट सुरु हुँदै...
काठमाडौँ । राष्ट्रिय स्वतन्त्र पार्टी (रास्वपा) का सहप्रवक्ता सुरेन्द्र चौधरीले सर्वोच्च अदालतले नेपाल प्रहरीका निवर्तमान महानिरीक्षक दानबहादुर कार्कीलाई पुनर्बहाली गरे पनि उनलाई महानिरीक्षकका रूपमा...
काठमाडौँ। नेकपा एमालेको स्थायी कमिटी बैठक आज बस्दै छ । बैठक आज दिउँसो १ बजे केन्द्रीय कार्यालय च्यासलमा स्थायी कमिटी बैठक बस्ने गरी बोलाएको...
आकर्षक मिडिया प्रा. लि.
अनामनगर मच्छिगल्ली, काठमाडौं
सुचना तथा प्रसारण विभाग
१७८०/०७६-७७
ईमेल: nepalface21@gmail.com
सम्पर्क नम्बर : ०१-४१०२६८२
अध्यक्ष
माधव प्रसाद पौडेल
सम्पादक
राजुप्रसाद तिमल्सिना
© 2026 All right reserved to nepalface.com | Site By : SobizTrend