देउवालाई गठबन्धनको सुझाव : केपी ओलीले जे गरे त्यो नदोहोरियोस्

काठमाडाैं । बिहीबार अपरान्ह प्रधानमन्त्री शेरबहादुर देउवाले गठबन्धनका शीर्ष नेताहरुसँग छलफल गरेका छन् ।

 सिंहदरबारस्थित प्रधानमन्त्री तथा मन्त्रिपरिषदको कार्यालयमा बसेकाे बैठकमा काँग्रेसबाट महामन्त्री पूर्णबहादुर खड्का, माओवादी केन्द्रबाट अध्यक्ष पुष्पकमल दाहाल ‘प्रचण्ड’, नेता कृष्णबहादुर महरा, जसपाबाट अध्यक्ष उपेन्द्र यादव र जनमोर्चाबाट अध्यक्ष चित्रबहादुर केसी सहभागी थिए ।

छलफलमा नेताहरुले प्रधानमन्त्री देउवालाई निवर्तमान प्रधानमन्त्री केपी शर्मा ओलीले गरेको गल्ती नदोहोर्याउन सुझाव दिएका छन् । 

जुन गल्ती केपी ओलीजीले जे गरे त्यो नदोहोरियोस् भन्दै छलफलमा सहभागी नेताहरुले देउवालाई सुझाव दिएका हुन् ।

स्राेतका अनुसार जवाफमा देउवाले आफू गठबन्धनको भावनालाई आत्मासात गर्दै सबैको सुझाव र सल्लाहमा चल्ने बताए । 

मन्त्रीको भागबण्डाको विषयमा आज छलफलमा कुरा नभएकाे स्राेतले बताएकाे छ ।