नेपाल निवासमा ओली पक्षका नेता तथा कार्यकर्ताहरूकाे टार्गेट, उच्च सुरक्षा सतर्कता अपनाइयाे

काठमाडौं । नेपाल कम्युनिष्ट पार्टी (नेकपा) एमालेका वरिष्ठ नेता माधवकुमार नेपाल निवास काेटेश्वरमा उच्च सुरक्षा सतर्कता अपनाइएकाे छ । 

एमाले अध्यक्ष केपी शर्मा ओली पक्षका नेता तथा कार्यकर्ताहरूले नेपाललाई टार्गेट गर्दै घर घेर्ने तयारी गरेपछि प्रहरीले उच्च सतर्कता अपनाएको हाे ।

सुरक्षा स्रोतका अनुसार नेपालको घर घेरेर आक्रामक गर्नसक्ने सूचना पाएकाे भन्दै प्रहरीले ओली पक्षका नेता तथा कार्यकर्ताहरूलाई नेपालको घरतर्फ जानबाट रोक लगाउन उच्च सुरक्षा सतर्कता अपनाइएकाे हाे । 

बुधबार बालुवाटारबाट बालकोट पुगेका ओलीले पार्टीका वरिष्ठ नेता नेपाललाई गद्दारको संज्ञा दिदै नेपालले विपक्षी गठबन्धनमा लागेर पार्टी नेतृत्वकै सरकार ढालेकाे आराेप लगाएका छन् ।