अब विपक्षी गठबन्धनमा नरहने माधव नेपालकाे निर्णय

काठमाडौं । नेकपा एमालेका वरिष्ठ नेता माधवकुमार नेपालले अबदेखि आफू विपक्षी गठबन्धनमा नरहने जानकारी गराएका छन् ।

सर्वोच्च अदालतले संसद पुनर्स्थापना गर्दै शेरबहादुर देउवालाई प्रधानमन्त्री बनाउन परमादेश दिने फैसला सुनाएपछि बसेको विपक्षी गठबन्धनको बैठकमा नेता नेपालले आफ्नो परिस्थिति भिन्न रहेको बताउदै अबदेखि आफू विपक्षी गठबन्धनमा नरहने जानकारी गराएका हुन् ।

नेपालले अब आफू एमाले एकताका लागि कार्यदलले गरेको सहमति अनुसार अघि बढ्ने भन्दै गठबन्धनबाट बाहिरिने निर्णय गरेको सुनाएका हुन् ।

संविधान र लोकतन्त्रको लडाइँमा सधैं अाफ्नाे समर्थन रहने बताउदै सक्षम सरकार बनाएर सबैलाई समेटेर जान आग्रह गर्दै उनले देउवालाई शुभकामना पनि दिएका थिए ।