सिंहदरबारमा एमाले कार्यदलको बैठक, सुखद् समाचार आउने बिष्टको दाबी

काठमाडौँ । नेपाल कम्युनिष्ट पार्टी (नेकपा) एमाले एकता कार्यदलको बैठकमा सहभागी हुन वरिष्ठ नेता माधवकुमार नेपालपक्षका सदस्यहरु सिंहदरबारस्थित बैठकस्थलमा आइपुगेका छन् । 

उनीहरु निर्धारित समयभन्दा एक घण्टा ढिला गरी बैठकस्थलमा आइपुगेका हुन् ।

पार्टीको आन्तरिक विवाद समाधानबारे अन्तिम सहमति गर्न आज बिहान ८ बजेका लागि तय गरिएको बैठक नेपालपक्षका कार्यदल सदस्यहरु आइनपुगेका कारण समयमा सुरु हुन सकेको थिएन । 

प्रधानमन्त्री एवं पार्टी अध्यक्ष केपी शर्मा ओलीपक्षका सदस्यहरु भने यसअघि नै तोकिएको समयमा बैठकस्थल आइपुगेका थिए । 

पछिल्लो समय एमाले कार्यदलको बैठक निरन्तर बस्दै आएको छ। शनिवार पनि कार्यदलको बैठक बसेको थियो। बैठकस्थलमा प्रवेश गर्दै नेपालपक्षका कार्यदल सदस्य गोकर्ण विष्टले सुखद् समाचार आउने प्रतिक्रया दिए।