माओवादी छाडेर एमालेमा गएकाे बादल समूह आज निर्वाचन आयोग जाँदै

काठमाडाैं । नेकपा माओवादी केन्द्र छाडेर नेकपा एमालेमा लागेका नेताहरुआज निर्वाचन आयोग जाने भएका छन् ।

२०७१ सालदेखि महाधिवेशन नगरेको र पार्टी एकतापछि आयोगमा दर्ता पनि नभएकाले पार्टी अवैधानिक भएको भन्दै रामबहादुर थापा ‘बादल’ समूहले गत असार २३ गते आयोगमा उजुरी दिएका थिए साेहि निवेदनउपर आयोगले के गरिरहेको छ भन्ने जानकारी लिन उनीहरू आज आयोग जान लागेका हुन् ।

नेता मणि थापाका अनुसार उनीहरू आज बिहान ११ बजे निर्वाचन आयोग जाने तयारीमा छन् ।

संविधान र राजनीतिक दल सम्बन्धी ऐनअनुसार माओवादी केन्द्रको हैसियत गुमिसकेकोले दल दर्ता खारेजी गरिपाऊँ भनेर आयोगमा निवेदन परेको थियो ।

माओवादी छाडेर एमालेमा गएका रामबहादुर थापा बादललगायत उनको समूहले माओवादीको दल दर्ता खारेजी हुनुपर्ने बताइरहेको छ ।