काठमाडौं । नेकपा(एमाले)का अध्यक्ष केपी शर्मा ओली र बरिष्ठ नेता माधवकुमार नेपालबीच लामो समयदेखिको संवादहीनता तोडिएको छ ।
ओली र नेपालबीच बिहीबार राति टेलिफोन संवाद भएको छ । नेपाल निकट सोमप्रसाद पाण्डेले दुई नेताबीच बिहीबार टेलिफोन संवाद भएको खुलासा गरेका छन् ।
ओली र नेपालबीच टेलिफोन वार्ता भएको पाण्डेले सार्वजनिक रुपमा बताएका छन् । दुई नेताबीच शुक्रबार भेट हुने सम्भावना रहेको उनको भनाइ छ । भेटको समय र स्थान भने तय नभएको पाण्डेले बताए । शुक्रबार पुनः वार्ता हुने र भेटको स्थान र समय तय हुने बताइएको छ ।
माधव नेपाल पक्षको शुक्रबार बसेको स्थायी समिति बैठकले शुक्रबारको केन्द्रीय समिति बैठक स्थगित गर्न आग्रह गरेको छ । नेपाल पक्षको आग्रह बमोजिम अध्यक्ष ओली समूहले शुक्रबार बिहान बैठक स्थगित गर्ने संभावना छ । ओली र नेपालबीच गएको बैशाख ८ मा म्यारियट वार्तापछि संवाद हुन सकेको छैन ।
नेता नेपालले सर्वोच्च अदालतले २०७७ फागुन २३ मा नेकपाको एकता खारेज गरेसँगै एमाले २०७५ जेठ २ को अवस्थामा पुग्नुपर्ने तर्क राख्दैआएका छन् । तर अध्यक्ष ओलीले नेकपाको एकता खारेजीपछि प्रधानमन्त्रीको सरकारी निवास बालुवाटारमा गुटको भेला बोलाई त्यसैलाई केन्द्रीय कमिटीको बैठक भन्दै सुटुक्क जेठ २८ मा नेकपा माओवादीबाट आएका २३ जनालाई केन्द्रीय सदस्य मनोनीत गरे । त्यसपछि दसौं महाधिवेशन आयोजक समिति बनाए ।
जिल्ला तहदेखि स्थानीय तहसम्म माधव नेपाल पक्षलाई हटाउँदै आफूखुसी टीका लगाए । सर्वोच्च अदालतले २०७५ जेठ २ मै फर्किनका लागि दिएको आदेशले एमाले एकताको ढोका खोले पनि ओली भ्याकेटमा गएपछि एकताको बातावरण धमिलिंदै गएको छ । बुधबार ओलीले अदालतले अवैधानिक भनिसकेको महाधिवेशन आयोजक कमिटीको बैठक राखेर स्थायी समितिमा ८ जना मनोनीत गर्नेदेखि विभिन्न निर्णय एकतर्फी गरेपछि माधव नेपाल पक्ष झस्किएको हो । र, केन्द्रीय कमिटीमा नजाने निर्णयमा पुगेको हो ।
काठमाडौँ। नेकपा एमालेका अध्यक्ष केपी शर्मा ओलीले जुनसुकै समयमा सरकारविरुद्ध आन्दोलनमा उत्रिनुपर्ने अवस्था आउन सक्ने भन्दै मानसिक र साङ्गठनिक रूपमा तयार रहन पार्टीपंक्तिलाई निर्देशन...
काठमाडौँ । राष्ट्रिय स्वतन्त्र पार्टी (रास्वपा) का सांसद पारसमणि गेलालको सचिवालयले निर्वाचनका क्रममा प्रधानमन्त्री वालेन्द्र शाह, रास्वपा सभापति रवि लामिछाने तथा सांसद गेलाल र...
काठमाडौँ। पूर्वप्रधानमन्त्री एवं नेपाली कांग्रेसका सभापति शेरबहादुर देउवा सातै प्रदेश अधिवेशनमा सहभागी हुने भएका छन्। कांग्रेसको देउवा पक्षको प्रदेश अधिवशेन मंसिर ५ गतेबाट सुरु हुँदै...
काठमाडौँ । राष्ट्रिय स्वतन्त्र पार्टी (रास्वपा) का सहप्रवक्ता सुरेन्द्र चौधरीले सर्वोच्च अदालतले नेपाल प्रहरीका निवर्तमान महानिरीक्षक दानबहादुर कार्कीलाई पुनर्बहाली गरे पनि उनलाई महानिरीक्षकका रूपमा...
काठमाडौँ। नेकपा एमालेको स्थायी कमिटी बैठक आज बस्दै छ । बैठक आज दिउँसो १ बजे केन्द्रीय कार्यालय च्यासलमा स्थायी कमिटी बैठक बस्ने गरी बोलाएको...
आकर्षक मिडिया प्रा. लि.
अनामनगर मच्छिगल्ली, काठमाडौं
सुचना तथा प्रसारण विभाग
१७८०/०७६-७७
ईमेल: nepalface21@gmail.com
सम्पर्क नम्बर : ०१-४१०२६८२
अध्यक्ष
माधव प्रसाद पौडेल
सम्पादक
राजुप्रसाद तिमल्सिना
© 2026 All right reserved to nepalface.com | Site By : SobizTrend