प्रचण्डले ओलीतर्फ संकेत गर्दै भने – ‘संसारमा कुनै त्यस्तो कम्युनिष्ट पार्टी छैन जहाँ भिलेन नजन्मिएको होस्’

काठमाडौं । माओवादी केन्द्रका अध्यक्ष पुष्पकमल दाहाल ‘प्रचण्ड’ले संसारdf जुन कुनै कम्युनिष्ट पार्टीमा भिलेन जन्मिएकाे बताएका छन् । 

बुधबार संसद भवनमा नागरिक आन्दोलनका अगुवा, लेखक तथा बुद्धिजीवीहरूसँग अन्तक्रियामा बोल्दै प्रचण्डले सो कुरा बताएका हुन् । 

उनले ओली तर्फ संकेत गर्दै भने – ‘संसारमा कुनै त्यस्तो कम्युनिष्ट पार्टी छैन जहाँ भिलेन नजन्मिएको होस्। भिलेन जन्मिन्छन् लड्दै जाने हो ।’ 

उनले संविधान, लोकतन्त्र र राष्ट्रियताको पक्षका आफूहरु उभिएको बताउदै आउँदो दिनमा गठबन्धनलाई दिगो बनाउन छलफल भइरहेको जानकारी दिए । 

उनले राष्ट्रियताको रक्षाका लागि एक हुनुको विकल्प नभएको पनि बताए । अहिलेको राजनीतिले सुशासन र प्रणालीका सन्दर्भमा युवा पुस्तामा नकरात्मक सन्देश गइरहेको भन्दै प्रचण्डले सकरात्मक नतिजा दिन नसकिएको बताए ।