नवलपरासी । अविरल वर्षाका कारण नवलपरासीको गैडाकोटमा ४० घर डुबेका छन् । नारायणी नदीमा आएको बाढी छेउमा रहेका गैँडाकोटका गाउँमा पसेपछि घरहरु डुबेका हुन् ।
अहिलेसम्म नवलपरासीमा रहेका ४० घर डुबानमा परेको बताइएको छ । गैँडाकोट २ को बोटे टोल डुवानमा परेपछि त्यस क्षेत्रका मानिसहरुलाई सुरक्षित स्थानमा सारिएको जनाइएको छ ।
प्रहरीका अनुसार डुबानमा परेपछि त्यहाँका स्थानीयलाई नजिकैको अक्सफोर्ड कलेजको भवनमा सारिएको जनाइएको छ । यस्तै बाढीले कावासोती १५ अमलटारी क्षेत्रमा रहेका रिसोर्टहरु पनि डुबेका छन् ।
अहिले नारायणी नदीको सतह इतिहासकै उच्च विन्दुमा पुगेको छ । नदीको सतह गए राति १० दशमलव ४६ मिटर पुगेको थियो । सो समयमा पानीको बहाव एक करोड ६४ लाख ५५ हजार लिटर प्रतिसेकेन्ड पुगेको थियो ।
